Қазіргі таңда елімізде АЭС құрылыс жобасына қатысты екі жақты көзқарас қалыптасып тұр.
Қоғамда қолдаушылар қатары да көбейіп отыр,өйткені осы саладағы мамандар,энергетиктер мен ғалымдар АЭС салу еліміздің экономикасы мен әлеуметтік жағдайымыздың жақсаруына әкелетіндігін сенімді түрде өздерінің күнделікті пікірлері мен ойларында азаматтарға жеткізіп келеді.
Елімізде экономиканы алға қарай жылжыту үшін бар мәселе электр қуатына тығыз байланысты екендігі шындық.
Бізді қоршаған әлем жылдам өзгеруде, жаңа құндылықтар қалыптасуда, өмір сүрудің бағыттарында жаңа идеялар пайда болып жатыр. Бұл атом электр станцияларында электр энергиясын өндіру жайына да қатысты.
Негізі атом энергиясын табысты өндірудің кілті — ядролық реакторды дұрыс таңдау. Олардың түрлері мен сұрыптары өте көп. Негізінен олар бір-бірінен мақсаты мен жұмыс істеу қағидаттары және қауіпсіздік деңгейлері бойынша ерекшеленеді.
Дүниежүзіндегі реактор өндірушілер уақыт өткен сайын бұрынғыларына қарағанда қауіпсіздеу жаңа типтегі реакторлар шығарып жатыр.
Қазақстанда қауіпсіздіктің барлық талаптарына жауап беретін жетістіктер мен әзірлемелерді пайдалана отырып,жаңа буындағы ІІІ не ІІІ+ реакторлық атом электр станциясының құрылысы қарастырылуда, болуы мүмкін апатты барынша азайтады және жаңа буынды реакторлардың басты ерекшелігі — станцияны сыртқы және ішкі әсерлерге барынша төзімді ететін белсенді және пассивті қауіпсіздік жүйесінің бірегей үйлесімі. «Қазіргі заманғы үшінші буын атом электр стансаларында ауыр апат 10 миллион жылда бір рет ғана болуы мүмкін»- деп сендіреді ғалымдар.
Президентіміз Қ-Ж.Тоқанв Үкіметтің кеңейтілген отырысында елімізде атом электр стансасы құрылысын жүргізу туралы: «Бізде инвестиция былай тұрсын, таза атом энергиясы жоқ болса, экономикамызды құлдыратып аламыз, сөйтіп аймақтағы көшбасшылығымыздан айырыламыз. Сондықтан да бізге электр энергиясы, атомдық таза энергия қажет. Оның маңызын халыққа кәсіби тұрғыдан түсіндіру керек»- деді.
Ендеше халқымыз және еліміздің өсіп-өркендеуі мен экономикамыздың қарқынды дамуы үшін,басқа елдерден энергетикалық тәуелсіздікті толығымен қамтамасыз ету мақсатында заманауи талаптардың барлығына, әсіресе,еліміздің, жеріміздің және қоршаған ортаның қауіпсіздігіне жауап беретін жаңа буынды реакторы бар атом электр станциясын салуды ағымдағы жылдың 6 қазанда болатын жалпыұлттық Референдумда
қолдаймын.
Ана ретінде, қоғам белсендісі ретінде осы мәселе мені де толғандыруда, дегенмен жан — жақты талдау жасалып, халықтың да пікіріне құлақ асу маңызды деп білемін.
Референдум сәтті өтуіне тілектеспін.
Ел дауысы қоғамдық қорының атынан сол күні бақылаушы ретінде қатыса мын.
Алима Пашанова,
Журналистер Одағы, Халықаралық Жазушылар Одағы мүшесі, «Қарашаңырақ» қоғамдық бірлестігінің төрайымы
