Бүгін Шымкент қаласындағы А.С.Пушкин атындағы қалалық әмбебап кітапхана ғимаратында «Мұса Жәлел мұрасы: ерлікке тартқан жол» тақырыбында іс-шара өтті. Кеш татардың көрнекті ақыны, Кеңес Одағының Батыры Мұса Жәлелдің 120 жылдығына арналды.
Іс-шараның мақсаты – қатысушыларды ақынның өмір жолы және шығармашылық мұрасымен таныстыру, оның қайсар рухы арқылы жас ұрпақтың бойында патриоттық сезімді қалыптастыру, халық ерлігіне деген құрметті арттыру.
Әдеби кеш барысында Мұса Жәлелдің тағдырлы ғұмыры, ел мен жерге деген адалдығы, отансүйгіштік ұстанымы кеңінен баяндалды. Ақынның қиын-қыстау кезеңдерде де рухын сындырмаған қайсарлығы мен шығармашылық табандылығы жас буынға өнеге ретінде ұсынылды.Кеште жергілікті ақындар мен жастар ақынның жырларын жатқа оқып, оның ерлікке толы өмір жолын еске алды.