Шымкент қаласындағы №11 Ә.Науаи атындағы жалпы орта білім беретін мектеп ғимаратында қалалық ҚХА жанындағы ақпараттық-түсіндіру тобының мүшелері жергілікті тұрғындармен кездесіп, Ескі шаһар тұрғын алабындағы қоғамдық келісімді сақтау мен жалпыұлттық бірлікті бекемдеуге арналған жиын өткізді.
Кездесуде қоғамда жан-жақты талқ
ыланып жатқан жаңа Конституция жобасы жайлы айрықша айтылды. Топ мүшелері еліміздің басты құқықтық құжатының жобасы туралы тиянақты баяндап, азаматтардың пікірлерін тыңдады. Өз кезегінде белсенді азаматтар жаңа Ата заңға жобасына байланысты ұсыныстарын Конституциялық реформа жөніндегі комисияға жолдағанын жеткізіп, ел дамуы үшін қолға алынған бастамаға бейжай қарамай қоғамдық талқылауда барынша белсенді болуға үндеді.
Айта кетейік, қоғам игілігін көздеген жиында Шымкент қаласы ҚХА жанындағы Ақсақалдар кеңесі төрағасының орынбасары Б.Жалмұрзаев, Әл-Фараби ауданы Ардагерлер кеңесінің төрағасы К.Жұмағұлов, Әл-Фараби ауданы Аналар кеңесінің төрайымы Ы.Алтанова, Абай ауданы әкімі аппаратының бөлім басшы Е.Әбіл, «Қоғамдық келісім» мекемесінің бөлім басшысы Т.Бейсембиев және т.б. азаматтар сөз сөйледі.
