Өзбекәлі Жәнібеков атындағы университетінде «Буллинг пен сталкинг: үнсіз зорлықтың қауіпті түрлері» тақырыбында ашық дәріс өтті.
Аталған іс-шара Ө. Жәнібеков атындағы Оңтүстік Қазақстан педагогикалық университетінің «Аналар мектебі», Шымкент қаласының Қазақстан халқы Ассамблеясы жанындағы Аналар кеңесі, «Әйелдер күштері Альянсі», сондай-ақ қала әкімі жанындағы әйелдер істері және отбасы-демографиялық саясаты жөніндегі комиссияның бірлесуімен ұйымдастырылды.
Іс-шараның басты мақсаты – жастардың құқықтық және психологиялық сауаттылығын арттыру, қоғамда жиі көзге көрінбейтін, алайда ауыр салдарға әкелетін буллинг пен сталкингтің алдын алу.
Ашық дәріс барысында қатысушыларға булл
инг пен сталкингтің мәні мен ерекшеліктері, олардың белгілері мен түрлері, жеке тұлғаға тигізетін психологиялық, әлеуметтік және эмоциялық салдары жан-жақты түсіндірілді. Сонымен қатар, жастарға қауіпсіздік шаралары, жеке және цифрлық қауіпсіздікті сақтау жолдары, қиын жағдайларда көмек сұрау тетіктері, сондай-ақ қолдау көрсететін достық орта қалыптастырудың маңызы айтылды.
Іс-шара аясында буллинг пен сталкингтің нақты салдарын көрсететін арнайы әлеуметтік фильм көрсетілді. Фильм жастарды ойлануға, өз шекарасын қорғауды үйренуге, зорлық-зомбылыққа қарсы белсенді азаматтық ұстаным қалыптастыруға бағытталды.
