Қазақстан Республикасының Президенті Қасым-Жомарт Кемелұлы Тоқаевтың 2026 жылғы 5 қаңтарда «TURKISTAN» газетінде жарияланған «Қазақстан жаңғырудың жаңа кезеңіне қадам басты» тақырыбындағы сұхбатының мазмұны мен маңызын кеңінен түсіндіруге арналған ақпараттық кездесу өтті.
Іс-шара Шымкент қаласы мен Түркістан облысының мамандандырылған күзет қызметі басқармасының ММ 1-полиция батальонының жеке құрамы арасында ұйымдастырылды. Кездесу барысында Мемлекет басшысының сұхбатында көтерілген ел дамуының басым бағыттары, ішкі саяси тұрақтылықты сақтау, қоғамдық қауіпсіздікті қамтамасыз ету және ұлттық бірлікті нығайту мәселелері жан-жақты талқыланды.
Ақпараттық кездесуге Шымкент қаласы және Түркістан облысы мамандандырылған күзет қызметі басқармасының бастығы, полиция полковнигі Талант Жұмабек, сондай-ақ Шымкент қаласы ішкі саясат басқармасының «Қоғамдық келісім» коммуналдық мемлекеттік мекемесінің қызметкерлері Тимур Борибаев пен Нұржан Абдукаримов қатысты.
Жиын барысында мемлекеттік рәміздерді құрметтеу, этносаралық келісімді сақтау, қоғамдық келісім мен жалпыұлттық бірлікті нығайту бағытындағы жұмыстардың маңызы ерекше атап өтілді. Сонымен қатар, құқық қорғау органдары қызметкерлерінің елдегі тұрақтылық пен татулықты сақтаудағы жауапкершілігіне де назар аударылды.
