Шымкентте бірнеше маңызды көше толық күрделі жөндеуден өтіп, заманауи талаптарға сай қайта салынды.
Изенді көшесі – жалпы ұзындығы 1,9 км, төрт жолақты. Жөндеу жұмыстары Юсупов көшесінен басталып, Төлеметов көшесіне дейін жүргізілді.
Шұбаркөл көшесі – ұзындығы 3,8 км, Момышұлы көшесінен Өтегенов көшесіне дейін.
Юсупов көшесі – ұзындығы 3,8 км, төрт жолақты. А-2 автомобиль жолынан Шұбаркөл көшесіне дейін.
Жаңақоныс көшесі – ұзындығы 416 метр, Өтегенов көшесінен басталып, Жаңақоныс көшесіне дейін. Бұл учаскеде ұзындығы 15 метр болатын Қошқар ата өзенінің үстінен жаңа көпір салынды.
Жөндеу барысында жолдардың ені бұрынғы 3–6 метрден 14 метрге дейін кеңейтілді. Жаяу жүргіншілер жолдары төселіп, көше жарықшамдары орнатылды, суағар арықтары мен кіреберіс-шығаберіс жолдар жасалды. Сондай-ақ, барлық жол белгілері, бағдаршамдар қойылып, жол таңбалары толық сызылды.
Бұл жұмыстар қаланың көлік қатынасын жеңілдетіп, тұрғындардың жайлылығын арттыруға бағытталды.
