Шымкентте футболдан 19 жасқа дейінгі әйелдер арасындағы «Zhuldyz Summer Cup» халықаралық турнирі мәресіне жетті. Жарыс Қазақстан футбол федерациясының ұйымдастыруымен және УЕФА бағдарламасы аясында өтті.
Жолдастық турнирде Қазақстан, Қырғызстан, Өзбекстанның 19 жасқа дейінгі құрамалары және жергілікті “БИІК-Шымкент” командасы шеберлік байқасты. Төрт күнге созылған бәсекеде достық жеңді. Турнирдің басты мақсаты тәжірибе алмасу болғандықтан, бұл жарыста жеңімпаз команда анықталған жоқ.
Барлық ойындар “Биік” базасының “Намыс” стадионында өтті.
