Шымкент қаласында орналасқан «Beta International» жауапкершілігі шектеулі серіктестігі – еліміздегі шай және кофе өнімдерін шығаратын ірі кәсіпорындардың бірі. Кәсіпорынның басты ерекшелігі – отандық шикізат пен халықаралық стандарттарды ұштастыра отырып, сапалы өнім өндіруі. Бүгінде «Вета чай», «Чемпион» шайлары мен 3/1 форматындағы ерігіш кофе маркалары Қазақстан тұтынушылары арасында кеңінен танылып келеді.
Зауыттың өндірістік қуаты – айына 300 тоннадан астам дайын өнім шығара алады. Бұл көрсеткіш Қазақстанның ішкі нарығындағы тұтыну сұранысын қамтамасыз етуге және көрші елдерге экспорттауға жеткілікті деңгейде. Кәсіпорында 150-ге жуық қызметкер тұрақты түрде жұмыспен қамтылған, бұл – өңірлік еңбек нарығы мен әлеуметтік тұрақтылыққа қосылған елеулі үлес.
Кәсіпорын өнімдерінің басты артықшылығы – қолжетімді баға, тұрақты сапа және тұтынушы талғамына сай келетін ассортимент. Классикалық қара шайдан бастап, хош иістендірілген және премиум санатындағы шай түрлеріне дейін өндіріледі. Ал 3/1 кофе өнімі – заманауи өмір ырғағына бейімделген, ыңғайлы әрі дәмді шешім ретінде сұранысқа ие.
«Beta International» өз өнімдерін Қазақстанның барлық өңірлеріне жеткізіп қана қоймай, көршілес елдердің нарығына да экспорттауда. Бұл бағытта компания логистика мен дистрибуцияны тиімді ұйымдастырып, өндірістік қуатын кезең-кезеңімен арттыруда.
Бүгінгі таңда кәсіпорын өз өндірісін кеңейтуді, жаңа технологияларды енгізуді және өнім түрлерін көбейтуді жоспарлап отыр. Бұл қадамдар «Beta International» компаниясының еліміздің азық-түлік қауіпсіздігі мен экспорттық әлеуетін нығайтудағы рөлін арттыра түседі.
Шымкент қаласындағы бұл кәсіпорын тек өндірістік тұрғыдан емес, сонымен қатар өңірдің агроөнеркәсіптік инфрақұрылымын дамытуға, бәсекеге қабілетті отандық өнім үлесін ұлғайтуға және ел экономикасының өркендеуіне үлес қосып отыр.
