ҚР СИМ Техникалық реттеу және метрология комитеті төрағасының орынбасары Қанат Қабылбеков ОКҚ алаңында өткен баспасөз конференциясында стандарттарды енгізудің әлеуметтік және экономикалық әсері жайлы баяндады.
Мәселен, цемент өндірушілер «Сәйкестікті бағалау. Цементтердің сәйкестігін растау тәртібін» әзірледі. Соның арқасында контрафактілік цемент саны азайды және цемент өндірісі 25%-ға өсіп, үшінші елдерден (ЕАЭО емес) импорт 60%-ға төмендеді.
Сондай-ақ «Мүгедектігі бар адамдардың және мобильділігі төмен топтардың қажеттіліктерін ескере отырып, халық үшін инфрақұрылым объектілері мен қызметтердің қолжетімділігі. Жалпы талаптар. Қолжетімділік шарттары» қабылданып, барлық азамат үшін, оның ішінде мүгедектігі бар адамдар мен халықтың мобильділігі төмен топтары үшін қолайлы және қауіпсіз орта құруға бағытталған.
«Осы стандартты енгізу мүгедектігі бар адамдарды қоса алғанда, барлық азаматтар үшін қоғамдық және жеке объектілердің қолжетімділігін қамтамасыз етеді, сондай-ақ мобильділігі төмен топтардың қоғамға интеграциялануына ықпал етеді және әлеуметтік кедергілерді азайтуға мүмкіндік береді. «Ақпараттық технологиялар. Мүгедектерге арналған веб-мазмұнның қолжетімділігі» көру, есту, тірек-қимыл жүйесі бойынша мүгедектерді қоса алғанда, мүгедектігі бар адамдардың кең ауқымы, сондай-ақ сөйлеу функциялары, ақыл-ой саласы бұзылған және неврологиялық бұзылулары бар адамдар үшін веб-мазмұнның қолжетімділігін қамтамасыз етуге бағытталған», – деді спикер.
2024 жылға арналған ұлттық стандарттау жоспары шеңберінде сауда мен қоғамдық тамақтандыруда қауіпсіздікті қамтамасыз етуге, сауда қызметтерінің сапасын арттыруға, электрондық және дәстүрлі сауданың тұрақты дамуы үшін жағдай жасауға бағытталған стандарттарды әзірлеу бойынша жұмыс жүргізілді. Осылайша, ішкі сауда инфрақұрылымы белсенді түрде стандартталған. Сауда объектілерін жіктеудің бірыңғай критерийлері тұтынушыларға нарық ұсыныстарын бағдарлауға және олардың санаты мен қызмет көрсету деңгейін ескере отырып, сатып алу орындарын таңдауға көмектеседі.Сондай-ақ әлеуметтік маңызы бар азық-түлік тауарларын стандарттау мақсатында Ішкі сауда қағидаларында 52 ұлттық және 32 мемлекетаралық стандарттарға тікелей сілтеме бар.
