2025 жылдың бірінші бес айындағы көрсеткіштер бойынша Қазақстанда ауыл шаруашылығы жануарларының саны мен мал шаруашылығы өнімінің көлемі тұрақты өсімге ие. Ірі қара мал басы 23,4%, ұсақ мал – 7,8%, жылқы – 12,2%, түйе – 8,5%, құс – 2,2% өскен. Мал шаруашылығының жалпы өнім көлемі 1,2 трлн теңгеден асып, +4,2% өсім байқалды. Ет өндірісі +3%, сүт +7,5%, жұмыртқа +0,3% артып отыр.
Осыған орай, ауыл шаруашылығын дамыту мақсатында мемлекет мал шаруашылығына шағын айналым және асыл тұқымды мал сатып алу үшін жеңілдетілген несиелерді енгізбексі. Алғашқы бағдарлама арқылы 50 млрд теңге ірі қара мен ұсақ мал басын сатып алуға, жылдық 5% жеңілдетілген несиелер беріледі. Тағы 50 млрд теңге айналым қаржыға бағытталады. Сондай-ақ ет бағытындағы сүт-тауар фермалары мен австралиялық тәжірибені енгізу арқылы ет экспорты 500 млрд теңгеге дейін жеткізіледі деп жоспарлануда (29,3 млрд теңге 14 жобаға).
Сүт фермаларына жылдық 2,5%-бен несие берілетін және қазіргі таңда 116 сүт-тауар фермасы салу көзделсе, оның 69-ы іске қосылып, 47-сі өңірде құрылады.
Шымкент қаласының көрсеткіштері де елдік динамикамен қатар дамуда. Қалада 109,4 мың ірі қара, 133,5 мың ұсақ мал, 20 мың жылқы мен 1 071,9 мың құс тіркелген. 5 ай ішінде Шымкентте 5,1 мың тонна ет, 41,1 мың тонна сүт және 100,2 миллион дана жұмыртқа өндірілді .
Бұдан басқа, 2025 жылы қалада 26,5 мың гектарға ауыл шаруашылығы дақылдары егілді: дәнді – 10,9 мың га, мал азықтық – 9 мың га, көкөніс-бақша – 3,1 мың га, майлы – 3 мың га, картоп – 0,5 мың га. Осы жылдың 4 айында 66 мың тонна, 8 айда 66 мың өнім алынып, жалпы өнім көлемі 32,5 млрд теңгеге жетті .
Шымкентте ауыл шаруашылығы саласын дамытуға арзан дизель отыны (250 ₸/л), тыңайтқыштар, субсидиялар (800 млн теңгеден астам) бөлініп, жылыжайлар мен көкөніс сақтау қоймаларына мемлекеттік қолдау көрсетілуде
