Бұл – қаламыздың бірегей стилін қалыптастырып, оның тарихи, мәдени және географиялық ерекшеліктерін айшықтайтын маңызды жоба.
✅ Конкурсқа кез келген Қазақстан Республикасының азаматы қатыса алады.
✅ Өңірлік нышан жобасы бұрын қолданылмаған, ерекше әрі Түркістанның болашақ даму бағытын көрсететін жаңа жұмыс болуы тиіс.
✅ Жобада ұлттық этнографиялық элементтерді, ою-өрнектерді пайдалануға рұқсат етіледі.
❌ Қазақстан Республикасының мемлекеттік рәміздерін, діни, рулық және тайпалық белгілерді қолдануға тыйым салынады.
Бұл конкурс Қазақстан Республикасы Президентінің «Түркістан қаласының ерекше мәртебесі туралы» заңына қол қоюына байланысты ұйымдастырылуда.
Бұл заң Түркістанның әкімшілік, экономикалық және мәдени даму бағыттарын айқындап, оның тарихи-рухани орталық ретіндегі мәртебесін бекітеді. Осыған орай, қаланың бірегей келбетін қалыптастыру мақсатында өңірлік нышан әзірлеу бастамасы қолға алынып отыр.
Конкурсқа өтінімдер 2025 жылдың 3 наурызынан 3 маусымына дейін қабылданады. Өтінімдерді Түркістан қаласы әкімдігінің «Сәулет және қала құрылысы бөлімі» мемлекеттік мекемесіне қағаз және электронды нұсқада жолдауға болады.
Жүлде қоры – 10 миллион теңге!
🏆 1-орын – 5 миллион теңге
🥈 2-орын – 3 миллион теңге
🥉 3-орын – 2 миллион теңге
Конкурс 3 ай ішінде өткізіледі, одан кейін қоғамдық талқылау (1 ай), сараптамалық кеңесте қарау (25 күн), қалалық мәслихатпен бекіту кезеңдерінен өтеді.
Түркістанның болашағын бірге қалыптастырайық! Өз идеяларыңызды ұсынып, қаламыздың ерекше символын жасауға атсалысыңыздар!
