Жергілікті ауқымдағы Төтенше жағдайларды және олардың салдарын жою жөніндегі іс-қимылдар жоспарына сәйкес көктемгі мезгілдегі су басуы жағдайында төтенше жағдайларды жою үшін жалпы қалалық азаматтық қорғау қызметтерінің 2448 бірлік техникасы мен 442 адам жеке құрамы және 81 мотопомпа дайындыққа келтірілді.
Қала аумағында су тасқыны кезеңінің қауіпсіз өтуін қамтамасыз ету мақсатында Шымкент қаласы Төтенше жағдайлар департаментінен — 160 адам ж/қ, 20 бірлік техника, 8 бірлік жүзу құралдары, 55 дана мотопомпалар, 1 бірлік АНР-133, 1 бірлік ПНС-200 су тасқыны салдарын жоюға дайын.
Қазіргі уақытта су тасқыны кезеңінде авариялық-құтқару және басқа да шұғыл жұмыстарды жүргізу үшін 10 мың дана қап және 18 мың тонна құм дайындалған. Аудандық әкімдіктерге көктемгі мезгілде су тасқыны салдарын жоюға жұмылдырылатын техникаларды үздіксіз жанар-жағармаймен қамтамасыз ету қорын анықтау мақсатында сұраныс хат жолданған болатын. Алдағы уақытта жергілікті атқарушы органдармен өзара тығыз жұмыстар жалғасын таба беретін болады.
