Шымкент қаласының ішкі саясат және жастар істері жөніндегі «Жастар ресурстық орталығы» КММ-ні ұйымдастыруымен ұлдар арасында кіші футболдан «БАЗАР ЖАСТАР ЛИГАСЫ» турнирі өтті. Жобаның басты мақсаты –Жастар арасында салауатты өмір салтын дәріптеу және қала жастарының арасында интеграцияны дамыту.
Екі күнге созылған турнирге өтінімдер онлайн және оффлайн форматта қабылданған. Жалпы, 16 команда жарыс жолында бақ сынауға өтінім қалдырып, 160 жас қатысқан.
16 қараша күні — іріктеу турнирінен жоғары нәтиже көрсеткендер іріктеліп, 17 қарашада жүлделі орындар үшін полуфинал және финал ұйымдастырылды.
Alaman спорт клубының аренасында өткен, 14 пен 18 жас аралығындағы қатысушылардан жеңімпазды анықтау оңайға соқпады. Қазылар алқасының әділ шешімімен ALASH Qyrandary командасы 1 орын алып, 10 дана планшетке ие болды. Екінші орынды «Olympic» спорт клубы жеңіп, 10 дана смартфон мен дипломдар табысталды. Ал, Үшінші орынды «Дотар» ФК командасы түйіндеді.
Үздік қақпашы, үздік шабуылшы, үздік қорғаушы және турнирдің үздік ойыншысы аталымдары бойынша 13БЖСМ, СК Мирас, Нұрсат және Олимпик командаларының футболшылары дипломдар мен бағалы сыйлықтарға ие болды.
Шымкент келбеті
