Қазақстанның қорғаныс-өнеркәсібі кешенін дамыту үшін ғылыми-зерттеу және тәжірибелік-конструкторлық жұмыстарының (ҒЗТКЖ) маңызы зор. Елде әскери өнімдерді жетілдіруге бағытталған көптеген зерттеулер жүргізілуде. Бұл зерттеулердің нәтижесінде жаңа қару-жарақ түрлері, әскери техника және қорғаныс жүйелері жасалуда.
Қорғаныс-өнеркәсібі кешенінің дамытудың тағы бір маңызды аспектісі – халықаралық ынтымақтастық. Қазақстан шетелдік серіктестермен бірлесе отырып, бірлескен жобаларды іске асыруда. Бұл жобалар озық технологиялар мен тәжірибелерді алмасуға, ортақ қауіпсіздік мәселелерін шешуге мүмкіндік береді.
Қазақстанда қорғаныс өнімдерін өндіруді ұлғайту үшін жергілікті өндірісті дамытуға үлкен көңіл бөлінуде. Бұл елдің экономикалық тәуелсіздігін арттырып, жұмыс орындарын құруға ықпал етеді.
Дамыған мемлекеттерде қорғаныс өнеркәсіп кешені ұлттық қауіпсіздікті қамтамасыз етуде шешуші рөл атқаратынын атап өтті. Қазақстанның Қорғаныс министрлігі отандық өнеркәсіп кешенінің тұрақты өзара әрекет жасай отырып, олардың дамуларын белсенді қолдайды. Отандық қорғаныс-өнеркәсібі кешені мемлекеттік қорғаныс тапсырысының шамамен 50%-ын құрайды және ішкі нарықта ғана емес, сыртқы экспортта да табысты жұмыс атқарып келеді.
Мемлекет басшысы «Әділетті Қазақстанның экономикалық бағыты» атты Қазақстан халқына Жолдауында армияны жоғары технологиялық қару-жарақпен және әскери техникамен қамтамасыз ету, отандық қорғаныс кешенінің жан-жақты нығайту негізгі мәселе деп атап өтті. Сонымен қатар, техниканы жедел жөндеу бойынша нығайтуды және отандық кәсіпорындарды қолдауды күшейту қажеттігін айтты.
Қорғаныс-өнеркәсібі кешенін дамыту Қазақстанның қауіпсіздігі мен егемендігін қамтамасыз етудің маңызды бағыты болып табылады. Жаңа технологиялар мен инновациялар бұл саланы жаңғыртып, елдің қорғаныс қабілетін арттыруға, халықаралық аренада беделін нығайтуға септігін тигізеді. Қазақстанның ҚӨК дамытудың барлық бағыттары бойынша табысты қадамдар жасауда, бұл елдің болашағы үшін маңызды және қажетті стратегиялық қадамдар болып табылады. Аталған мәселенің маңыздылығын мемлекет басшысы Қасым-Жомарт Кемелұлы Тоқаев та халыққа жолдауында айтты.
«Тағы бір маңызды мәселе-қорғаныс — өнеркәсіп кешенін жан-жақты нығайту. Бұл мәселе дамыған мемлекеттерде ұлттық қауіпсіздікті қамтамасыз етуде шешуші рөл атқарады. Ең маңызды міндет импортқа тәуелділікті төмендетуге мүмкіндік беретін, өзімізде шоғарлану үлесі жоғары өндіріс циклін құру», — деді Қасым-Жомарт Кемелұлы Тоқаев.
Мемлекет басшысының мәлімдемесі бойынша өндірістік техникалар мен отандық кәсіпорындарды қолдауды күшейту қажеттілігі айқындалған. Қазақстанның қорғаныс-өнеркәсібі кешенін дамыту жаңа технологиялар мен инновацияларды енгізу арқылы мүмкін болады. Қару-жарақ пен әскери техниканы жөндеу технологияларын игеру деңгейін 55%-ға дейін, заманауи өндірістерді 70%-ға дейін жеткізу міндеттері еліміздің қорғаныс қабілетін арттыруға және ұлттық қауіпсіздікті қамтамасыз етуге бағытталған маңызды шаралар болып табылады. Халықаралық ынтымақтастық, ағымдағы геосаяси ахуал мен санкциялық шектеулерді ескере отырып, ҚӨК-нің дамуы елдің болашағы үшін стратегиялық маңызды қадамдар болып табылады.
