Қоғамдық тәртіпті сақтау, ел азаматтарының мүддесі мен тыныштығын, сондай-ақ қауіпсіздігін қамтамасыз ету полицияның басты міндеті болып табылады. Шымкент қаласында атқарылып жатқан шаралардың нәтижесінде, 2024 жылдың алғашқы мерзімінде криминогендік ахуал тұрақты деңгейде қалыптасып отыр. Құқық қорғау органдары мен жергілікті билік бірлесіп, қоғамдық қауіпсіздікті қамтамасыз ету үшін тиімді стратегиялар мен бағдарламаларды іске асыруда.
2024 жылдың 26 наурызына дейін қала аумағында тіркелген қылмыстар саны 36,3%-ға, яғни 1717-ден 1093-ке азайған. Бұл төмендеу, әсіресе, қоғамдық қауіпсіздік тұрғысынан оң нәтижелермен сипатталады. Статистикалық деректер бойынша:
Қоғамдық орында жасалған қылмыстар 55,8%-ға (807-ден 357-ге);
Көшеде жасалған қылмыстар 56,5%-ға (446-дан 194-ке);
Мас халде жасалған қылмыс 2,6%-ға (38-ден 37-ге);
Отбасы тұрмыста жасалған қылмыстар 42,9%-ға (6-дан 4-ке);
Кәмелетке толмағандармен жасалған қылмыстар 45,2%-ға (31-ден 17-ге) төмендеген.
Бұл көрсеткіштер қоғамдық тәртіпті сақтау бойынша қабылданған шаралардың тиімділігін көрсетеді. Полиция мен жергілікті билік өкілдері бірлесе отырып, құқық бұзушылықтардың алдын алу, ақпараттық кампаниялар өткізу және қоғаммен байланыс орнату жұмыстарын жүргізуде.
Құқық бұзушылықтардың алдын алу мен жол қозғалысы оқиғаларының санын азайтуда бейне камералардың тиімділігі зор. Шымкент қаласында мекенжай бағдарламасы аясында 3 868 бейнебақылау камерасы орнатылған, оның ішінде 3 177 «Сергек» камералары бар.
Системалық жұмыстар нәтижесінде, 12 855 бейнебақылау камералары Жедел басқару орталығына интеграцияланған. Бұл камералардың:
3 446-сы білім орталықтарында;
2 460-ы «Қауіпсіз қала» қағидаты бойынша «Казактелеком» акционерлік қоғамы арқылы облактық бақылау;
1 851-і темір жол, жер асты өткелдерінде, денсаулық сақтау объектілерінде, үй аулаларында және базар аумақтарында орнатылған.
Бейнебақылау камераларының жоғары саны қоғамдық орындарда тәртіпті бақылауға мүмкіндік беріп, құқық бұзушылықтарды тез арада анықтауға жәрдемдеседі.
2024 жылдың бірінші жартыжылдығында мекенжай бағдарламасы бойынша 1 500 бейнебақылау камерасын орнату жоспарлануда. Оның ішінде:
1 200 камера қоғамдық қауіпсіздік саласы бойынша;
300 камера жол қауіпсіздігі саласында автоматты түрде жол ережелерін анықтайтын.
Екінші жартыжылдықта тағы 1 500 камера орнату көзделуде, яғни жалпы саны 3 000 бейнебақылау камерасын орнату жоспарланып отыр. Бұл шаралар қала тұрғындарының қауіпсіздігін арттыруға, құқық бұзушылықтарды болдырмауға және қылмыстық іс-әрекеттерді ашуға мүмкіндік береді.
Шымкент қаласындағы қауіпсіздік шараларын қамтамасыз ету нәтижесінде, жалпы тіркелген қылмыстардың саны айтарлықтай азайды. Бейнебақылау жүйесінің кеңеюі, сондай-ақ қоғамдық қауіпсіздікті нығайтуға бағытталған шаралар Шымкент қаласының тұрғындарының тыныштығын сақтау мен қоғамдық тәртіпті қамтамасыз етуге үлкен септігін тигізуде.
Болашақта құқық қорғау органдары мен жергілікті билік тұрғындардың қауіпсіздігін арттыру мақсатында жұмысын жалғастырады. Қоғамдық қауіпсіздік мәселелері бойынша тұрғындармен тығыз байланыс орнату, профилактикалық шараларды күшейту және жаңа технологияларды енгізу қаладағы құқық бұзушылықтармен күресудің тиімді құралдары болып табылады. Шымкент қаласында қоғамдық тәртіпті сақтау мен азаматтардың қауіпсіздігін қамтамасыз ету бойынша жұмыстарды жүйелі түрде жалғастыру маңызды.
