Шымкент медицина колледжінде жастар арасында ұлтаралық татулық пен діни танымдық деңгейін арттыру мақсатында ұйымдастырылған кездесу өткізілді. Бұл шара Жастар ресурстық орталығының қолдауымен жүзеге асырылды және жастардың діни сауаттылығын арттыруға, діни ағымдардың қауіптілігін түсінуге бағытталды.
Кездесуге Шымкент қаласы дін істері басқармасының дін мәселелерін зерттеу орталығының маманы Аманкелді Нұрдаулет Бахытұлы, «Жастар ресурстық орталығы» КММ-нің инспекторы Әмірхан Ұлдана Асқатқызы, сондай-ақ Шымкент медицина колледжінің студенттері қатысты.
Шара барысында қатысушыларға діни ағымдардың қауіптілігі, олардың қоғамдағы әсері туралы толық ақпарат берілді. Мамандар жастарға діни экстремизм мен радикализацияның алдын алу жолдары, сондай-ақ жастардың діни сауаттылығын арттыру бойынша практикалық кеңестер ұсынды.
Кездесу барысында жастарға бейбітшілік пен татулықтың маңызы, мейірімділік пен ізгіліктің қоғамдағы орны туралы айтылды. Қатысушыларға адамдарға жақсылық жасаудың өмірлік басты қағида екендігі насихатталды. Сондай-ақ, студенттер өздерін қауіпсіздікте ұстау үшін қандай шараларды қолға алу керектігін түсініп, діни сауаттылықты арттыру жолындағы сұрақтарына жауап алды.
Аманкелді Нұрдаулет Бахытұлы жастарға діни мәдениетті түсіну және сол арқылы мәдениеттер арасындағы диалогты дамыту қажеттілігі туралы айтып, жастардың санасына ұлттық және діни құндылықтарды сіңірудің маңыздылығын атап өтті. Әмірхан Ұлдана Асқатқызы болса, жастарды позитивті өмір сүру стиліне шақырып, жастардың бір-біріне қолдау көрсетуінің, достық қарым-қатынастардың қоғамдағы берекені арттырудағы рөлін сөз етті.
Кездесу барысында практикалық бөлім ұйымдастырылды, онда студенттер пікірталасқа қатысып, өз көзқарастарын білдірді. Әрбір студент өз тәжірибесімен бөлісіп, діни сауаттылықты арттырудың, әсіресе, әлеуметтік желілерде ақпараттың көптігі мен әртүрлілігін ескере отырып, қаншалықты маңызды екенін атап өтті. Сонымен қатар, дін мен қоғамның өзара байланысын талқылап, жастар арасында ұлтаралық татулықты нығайту бағытындағы бастамаларды жүзеге асыру қажеттілігі жайында пікір алмасты.
Студенттер түрлі мәдени және діни мерекелерді атап өту, волонтерлік қызметке қатысу арқылы халықтар арасындағы достық пен түсіністікті нығайтуға көмектесетін ұсыныстарын ортаға салды.
Аталған кездесу жастар арасында діни сауаттылықты арттыруға, ұлтаралық татулықты нығайтуға, сондай-ақ жастардың қауіпсіздігін қамтамасыз етуге бағытталған маңызды шара болды. Жастар ресурстық орталығының ұйымдастырған кездесуі жастардың діни танымын кеңейтуге, қоғамдағы тыныштықты сақтау жолындағы жауапкершілікті сезінуге ықпал етті.
Жастардың белсенділігі мен олардың әлеуметтік мәселелерге назар аударуы болашақта еліміздегі бейбітшілік пен келісімді нығайтуға зор үлес қосатынына сенімдіміз. Кездесу жастар арасында достық, толеранттылық, әрі ұлтаралық қарым-қатынастарды дамыту үшін жаңа бастамаларға негіз қалады.
Бұл шараның жалғасы ретінде жастар ресурстық орталығы алдағы уақытта да түрлі кездесулер мен семинарлар өткізуді жоспарлап отыр. Жастарды заманауи мәселелермен таныстыра отырып, олардың белсенді азаматтық позициясын қалыптастыруға, дін мен мәдениет мәселелерін талқылауға мүмкіндік жасау үшін интерактивті платформалар мен тренингтер ұйымдастырылады.
Болашақта жастарды жан-жақты қолдау, олардың сұраныстарын ескере отырып, сапалы білім мен ақпаратпен қамтамасыз ету – біздің басты мақсатымыз.
