Шымкент қаласының ішкі саясат және жастар істері жөніндегі басқармасының “Жастар ресурстық орталығы” КММ-нің ұйымдастыруымен 25 қазан — Республика күніне орай еліміздің тәуелсіздігін дәріптеу және жас ұрпаққа салауатты өмір салтын насихаттау мақсатында «Тарих тағылымынан – тұғырлы тәуелсіздікке» атты жастар шеруі өтті.
«Республика күні – халқымыздың рухын көтеріп, елдігімізді нығайтатын, бірлігімізді бекемдеп, ынтымағымызды арттыратын айшықты мереке» деген болатын Мемлекет басшысы. Расында, белсенді жастардың қатысуымен өткен шара рухымызды көтерді.
Көк туымызды желбіреткен жастар шеруі «Қазақ хандығына 550 жыл» монументінен бастау алып, Тәуелсіздік алаңына дейін жалғасты. Шеруге әр оқу орнынан 33 жас қатысты. Бұл шара еліміздің өткені мен бүгіні арасындағы сабақтастықты айқын көрсетіп, жас буынға еліміздің тәуелсіздік жолындағы күресінің маңызын түсіндіру, ұлттық құндылықтарды қадірлеу және жастарды ұлттың жарқын болашағының кепілі ретінде тәрбиелеуде үлесі зор болды десек, қателеспейміз.
Ұйымдастырушылардың айтуынша, жастардың рөлі осы шеруде ерекше айқындалады, себебі олар елдің болашағы ретінде Қазақстанның егемендігін сақтап, оны одан әрі нығайтуға өз үлестерін қосатын болашағымыз. Сондай-ақ, бұл шара арқылы жас ұрпаққа патриоттық тәрбие беріп, ел тарихын терең түсінуге мүмкіндік жасау көзделді.
– Республика күні – еліміздің барлық азаматтары үшін ортақ мереке. Шеру барлық қатысушыларға өз тарихымызды мақтан тұту мен дене шынықтыруды насихаттайтын, еліміздің тәуелсіздігін атап өтетін маңызды іс-шара болды. Сондықтан көшеге шығып, Республика күніне орайластырылған іс-шараларға қатысып, жастардың рухы көтерілді. Рәміздерге құрмет артып, Отанға деген махаббатымыз оянады, – дейді Жастар ресурстық орталығының басшысы Марат Спатаев.
Шара барысында жастар ұлттық әндер мен би өнерлерін көрсетіп, Тәуелсіздік пен егемендіктің символы ретіндегі рәміздерге деген құрметін білдірді. Қатысушылардың бірі: «Біз бүгін Тәуелсіздігіміздің қадірін білетін жастар ретінде осы шеруге қатысқанымызға қуаныштымыз. Ел тарихын, тәуелсіздік жолындағы күресімізді ұмытпауымыз керек», – деп пікірін білдірді.
Шараға қатысқан жастардың бір-бірімен сөйлесіп, тәжірибе алмасуы да маңызды болды. Жастар өзара пікір алмасып, еліміздің болашағына қатысты жоспарларымен бөлісті. «Біз бірлесе отырып, еліміз үшін көп нәрсе жасай аламыз. Тәуелсіздігімізді сақтау – біздің міндетіміз», – деді тағы бір қатысушы.
«Тарих тағылымынан – тұғырлы тәуелсіздікке» атты жастар шеруі тек қана мерекелік шара емес, сонымен қатар, жастардың патриоттық сезімдерін оятуға, ұлттық бірлікті нығайтуға бағытталған маңызды бастама болып табылды.
Шараның соңында жастар Ұлттық валюта – теңге және мемлекеттік рәміздер жайлы білетіндерін тексеру мақсатында викторина өткізіп, еліміздің тарихы мен мәдениеті туралы қосымша ақпарат алды. Бұл шара жастарды еліміздің тарихымен таныстырудың тағы бір тиімді тәсілі болды.
Келешекте осындай іс-шаралардың тұрақты түрде өткізілуі жастарды патриоттық рухта тәрбиелеуге, олардың ұлттық сана-сезімін қалыптастыруға, қоғамның дамуына қосар үлесін арттыруға ықпал ететіні сөзсіз. Жастардың өздерін елдің болашағы ретінде сезінуі, тәуелсіздікке деген құрметтерін арттыруы – біздің ортақ мақсатымыз.
Шараның өтуі жастардың бірлігін, ынтымақтастығын нығайтуға, олардың еліміздің тарихына және болашағына деген жауапкершілігін арттыруға септігін тигізді. Әр жас – елдің болашағы, сондықтан, оларды тәрбиелеу мен қолдау көрсету – баршамыздың міндетіміз.
