Қазақстан Республикасының Президенті Қ.Ж. Тоқаевтың «Әділ Қазақстан: Заң және тәртіп, экономикалық өсу, қоғамдық оптимизм» атты Жолдауында мемлекеттік міндеттердің басымдылығы ретінде халықтың әл-ауқатын арттыру, азаматтардың жасампаз әлеуетін ашу және әлеуметтік-экономикалық прогресті қамтамасыз ету ерекше атап өтілген. Бұл міндеттерді шешу үшін тұрғын үй-коммуналдық шаруашылық, әлеуметтік инфрақұрылым, экологиялық бақылау, мәдениет нысандарын жаңарту және абаттандыру жұмыстарына баса назар аударылуда.
Шымкентте тұрғын үй-коммуналдық шаруашылық аясында қала аумақтарын абаттандыру жұмыстары жүргізілуде. Қала бойынша 2937 контейнер орнатылған, оның ішінде пластикалық және құрғақ қалдықтарды жинауға арналған контейнерлер бар. 2025 жылға дейін құрамында сынап бар қалдықтарды жинау үшін жыл сайын 50 контейнер орнату жоспарлануда.
Тұрмыстық қалдықтарды шығарумен 15 кәсіпорын айналысады, олардың 88-і GPS-навигатормен жабдықталған. Бұл жүйе қалдықтарды уақытылы жинауды және экологиялық нормаларды сақтауды қамтамасыз етеді.
Шымкентте «Таза Қазақстан» республикалық экологиялық акциясы аясында санитарлық тазалау жұмыстары белсенді түрде жүргізілуде. 190 мыңнан астам адам мен 9157 техника қатысқан акция барысында 8 мың шақырымнан астам көше мен 9 мың шақырымнан астам жаяу жүргіншілер жолы тазартылды. Қаланың көгалдандыру, санитарлық тазалау және абаттандыру жұмыстары күн сайын атқарылып жатыр.
2025 жылға дейін Шымкенттің жасыл аймақтарын 21544 гектарға дейін ұлғайту жоспарлануда. Бұл ретте 6,5 миллион бұта ағашын өсіру көзделуде. Түркістан облысының Табиғи ресурстар және табиғат пайдалануды реттеу басқармасының «Бадам орманы және жануарлар дүниесін қорғау» КММ-мен ынтымақтастық аясында жұмыстар жүргізілуде.
Экологиялық бақылау қоршаған ортаны қорғау саласындағы заңнаманы сақтау үшін қажетті шараларды қабылдауды қамтиды. 2024 жылы зертханалық-талдамалық бақылау бөлімі 94 объектіге шығу жасап, 1249 сынама алынып, 7585 талдау жүргізілді. Автокөлік шығарындыларын бақылау бойынша 4 рейд ұйымдастырылып, 125 автомобиль әкімшілік жауапкершілікке тартылды.
Шымкенттің мәдени-тарихи мұрасы қала тұрғындарының мәдениетін дамыту үшін маңызды. Қала аумағында 180-ге жуық тарихи және мәдени нысан тіркелген, соның ішінде 30 археологиялық ескерткіш, 121 монументалды өнер ғимараты, 11 сәулет ескерткіші және 2 қасиетті орын бар. Мемлекеттік құрылымдар бұл объектілердің күзет аймақтарын анықтау бойынша жұмыстар жүргізуде, ал тарихи-мәдени мұраларды сақтау мен жаңғыртуға арналған жобалар әзірленуде.
Шымкенттің мегаполис ретінде дамуы әлеуметтік-экономикалық әлеуетті арттырумен қатар, қала тұрғындары үшін жайлы және экологиялық тұрақты орта құруды көздейді. Азаматтардың жайлы тұруын қамтамасыз ету мәселесі қала әкімдігі мен мемлекеттік құрылымдардың тұрақты бақылауында болып, атқарылып жатқан шаралардың нәтижесінде қала тұрғындарының өмір сүру деңгейі арта түсетініне сенім білдіруге болады.
Қазақстан Республикасының Президенті Қ.Ж. Тоқаевтың «Әділ Қазақстан: Заң және тәртіп, экономикалық өсу, қоғамдық оптимизм» атты Жолдауында мемлекеттік міндеттердің басымдылығы ретінде халықтың әл-ауқатын арттыру, азаматтардың жасампаз әлеуетін ашу және әлеуметтік-экономикалық прогресті қамтамасыз ету ерекше атап өтілген. Бұл міндеттерді шешу үшін тұрғын үй-коммуналдық шаруашылық, әлеуметтік инфрақұрылым, экологиялық бақылау, мәдениет нысандарын жаңарту және абаттандыру жұмыстарына баса назар аударылуда.
