Шымкент қаласы, Еңбекші ауданы, Тоғыс және Маятас тұрғын алаптарында тұрғындармен кездесу өтті. Бұл шараның басты мақсаты – халық арасында ақпараттық жұмыстар жүргізу, жалпыұлттық бірлікті нығайту, мемлекеттік бағдарламалар мен заңнамалық өзгерістер туралы түсіндіру болды.
Тұрғындармен жүздесуге Шымкент қаласы ішкі саясат және жастар істері жөніндегі басқармасының «Қоғамдық келісім» КММ-нің, Еңбекші ауданы әкімдігінің қызметкерлері, ауыл билері, қоғамдық ұйымдардың өкілдері мен жастар қатысты. Әр спикер тұрғындарға мемлекет тарапынан көрсетілетін қолдаулар, заңнамалық өзгерістер, әлеуметтік бағдарламалар және қоғамдағы бірлік пен келісімнің маңызы туралы ақпарат берді.
Кездесу барысында еліміздің қолданыстағы заңдылықтарын сақтау, ішкі біртұтастық пен бірлікті бекемдеу, жастарға оң тәрбие беру мәселелері жан-жақты талқыланды. Спикерлер халыққа қазіргі қоғамдағы дінаралық келісім, этникалық толеранттылық, азаматтық жауапкершілік сияқты өзекті мәселелер туралы айтты.
Жалпыұлттық бірлік – бұл Қазақстанның көпұлтты қоғамының негізі. Сондықтан әрбір азаматтың өз үлесін қосуы қажет. Тұрғындарға мемлекет тарапынан ұйымдастырылатын шаралар мен жобалар туралы ақпарат беріліп, оларды іске асыруға белсене қатысуға шақырылды.
Кездесу барысында тұрғындар өз пікірлері мен ұсыныстарын айтып, өздерін толғандыратын мәселелер бойынша сұрақтар қойды. Олар әлеуметтік көмек, жастарды жұмыспен қамту, білім беру сапасы және медициналық қызметтердің қолжетімділігі сияқты тақырыптарды қозғады.
Тұрғындардың айтуынша, жастардың тәрбиесіне ерекше назар аударудың маңызы зор. Олардың пікірінше, жастарға патриотизм, жауапкершілік және қоғамдық келісімнің маңызын түсіндіру қажет. Тұрғындар сондай-ақ, жастарды еңбек нарығына бейімдеу үшін кәсіби бағдар беру шараларын күшейтуді ұсынды.
Кездесуде мемлекет тарапынан жастарға арналған бағдарламалар, соның ішінде білім беру, жұмысқа орналастыру, кәсіпкерлікті қолдау бойынша көптеген жобалар туралы ақпарат берілді. Тұрғындарға «Жастар практикасы», «Бірінші жұмыс орны» және «Қоғамдық жұмыстар» бағдарламаларының тиімділігі түсіндірілді.
Сонымен қатар, әлеуметтік көмек көрсету жүйесінің жаңартылған аспектілері туралы да сөз қозғалды. Тұрғындарға тұрмыстық жағдайлары төмен отбасыларға арналған мемлекеттік қолдау, атаулы әлеуметтік көмек және медициналық қызметтердің қолжетімділігі жөнінде ақпарат берілді.
Кездесу нәтижесінде тұрғындар арасында мемлекеттік бағдарламалар мен қолдаулар жөнінде ақпарат алмасу, сондай-ақ, жалпыұлттық бірлікті нығайту үшін бірлескен жұмыс жүргізу жөнінде ұсыныстар мен жоспарлар жасалды. Тұрғындардың белсенділігі, пікірлері мен ұсыныстары азаматтық қоғамның дамуына, халықтың әлеуметтік-экономикалық мәселелерін шешуге, елдің болашағы үшін белсенділік танытуға зор үлес қосады.
Аталған шаралар тұрғындардың әлеуметтік мәселелерін шешуге, елдің болашағы үшін белсенділік танытуға және мемлекетіміздің саясатын түсінуге зор үлес қосады. Болашақта осындай кездесулердің жиі өткізілуі жоспарланып отыр, бұл тұрғындар арасындағы байланыс пен ынтымақтастықты арттыруға ықпал етеді.
Тұрғындардың белсенді қатысуы мен пікірлерін ескеру арқылы мемлекет пен қоғам арасындағы диалогты нығайту, өзара түсіністік пен құрметті қалыптастыру – еліміздің тұрақты дамуының кепілі деуге болады. Осылайша еліміздің ұлтаралық бірлік пен тату тәтті ұлтымыз мәңгі сақталмақ.
