Президент Жолдауында елдің жер ресурстарын тиімді пайдалану және олардың ашық есебін жүргізу міндеттері айқын көрсетілді. Жер – экономикалық даму мен әлеуметтік тұрақтылықтың маңызды факторы болып табылатындықтан, оны дұрыс басқару мемлекеттік саясаттың басты бағытына айналды. Шымкент агломерациясы осы міндеттерді нақты жүзеге асыруда және өз тәжірибесін тиімді көрсетуде.
Қала маңындағы ауылдық аймақтарда цифрлық кадастрлық жүйе енгізіліп, жер учаскелерін есепке алу, пайдалану және бақылау процестері автоматтандырылды. Бұл жүйе әрбір жер учаскесінің мәртебесін нақты көрсетіп, оның пайдаланылуын ашық бақылауға мүмкіндік береді. Сонымен қатар, жерді мақсатсыз пайдалану мен заңсыз иеленуге жол берілмей, құқықтық тәртіп пен әділдік қағидалары сақталады.
Жер ресурстарын тиімді басқару нәтижесінде ауыл шаруашылығына жарамды 10 мың гектардан астам жер қайта игерілді. Бұл жерлерде жаңа жылыжай кешендері, агропарктер, фермерлік шаруашылықтар мен мал шаруашылығы алаңдары құрылып, агроөнеркәсіптік өндіріс дамуда. Жерді тиімді пайдалану тек экономикалық табыс әкеліп қана қоймай, ауылдық аймақтардың әлеуметтік дамуына да септігін тигізуде, жаңа жұмыс орындарын ашуда және жергілікті тұрғындардың әл-ауқатын арттыруда маңызды рөл атқарады.
Сонымен қатар, Шымкент агломерациясында жер қатынастарының цифрлық жүйесі жергілікті әкімдік пен тұрғындар арасындағы өзара сенімділікті нығайтады. Тұрғындар өз жерлерінің мәртебесі туралы толық ақпаратқа қол жеткізіп, кез келген даулы мәселені жүйелі түрде шешуге мүмкіндік алады. Бұл тәжірибе жер ресурстарын ашық басқарудың және қоғамдық бақылаудың нақты үлгісі болып табылады.
Шымкенттің тәжірибесі – жер мәселесін цифрлық технологиялар арқылы тиімді шешудің нақты жолы. Бұл бастама елдегі аграрлық саясаттың тиімділігін арттыруға, ауыл аймақтарының экономикалық әлеуетін күшейтуге және агроөнеркәсіп кешенін дамытуға тікелей ықпал етеді. Сондай-ақ, цифрлық кадастрлық жүйені енгізу арқылы жер ресурстарының пайдаланылуын есепке алу мен бақылаудың заманауи үлгісі қалыптасып, елдің басқа өңірлері үшін тәжірибе ретінде қолдануға мүмкіндік туып отыр.
